Kreu i PD, Sali Berisha, nga Mirdita, ka lëshuar akuza kundër qeverisë për aferën e inceneratorëve.
Gjatë fjalës së tij, Berisha ka akuzuar qeverinë se po e rrit koston e inceneratorëve nga 420 në 700 mln euro.
“Nuk mbeten fonde për të ndërtime publike. Nuk mbeten fonde për zhvillim por vetëm për shpërdorim dhe vjedhje. Ju keni dëgjuar këto muaj për inceneratorët. Janë jo 420, por absolutisht po shkon përllogaritja drejt 700 mln eurove. Përveç një djegësi 12 mln në Elbasan, të tjerët nuk ekzistojnë. Kanë vjedhur me valixhe. Tani kërkojnë të gjejnë mënyra egërsimi dhe kujtojnë se do shpëtojnë. Me 700 mln euro dyfishoheshin të gjitha pensionet në Shqipëri. Ka krim më të madh se ky?,”-tha Berisha.
