Ndryshe nga zgjedhjet e mëparshme, këtë vit ndryshimi i sistemi zgjedhor me lista gjysmë të hapura ka sjellë edhe risi.
Votat preferenciale këtë vit kanë qenë një risi në zgjedhjet parlamentare të zhvilluara më 25 prill.
Gjithashtu në këto zgjedhje drejtuesit e partive politike kishin të drejtë të kandidonin në më shumë se një qark.
Siç dhe është bërë e ditur tashmë, kryeministri Edi Rama kandididoi në Durrës dhe në Vlorë, ndërsa kreu i opozitës, Lulzim Basha zgjodhi të kandidonte vetëm në Qarkun e Tiranës.
Deri më tani nga votat preferenciale kreu i opozitës, Lulzim Basha ka marrë më shumë vota preferenciale në kryeqytet. Ai ka marrë deri më tani 14,161 kur janë numëruar 1067 nga 1243 kuti.
Ndërkohë, kryeministri Rama ka marrë 11 mijë e 969 vota në Durrës dhe 11 mijë e 412 vota në Vlorë ku procesi i numërimit është në kutinë e fundit. Edhe pse kandidonin në qarqe të ndryshme në top 10-shen e kandidatëve, Basha renditet i 4-ti si më i votuari kurse Rama i 8-ti./Opinion.al
