Në një reagim për mediat Presidenca ka konfirmuar se kreu i shtetit, Ilir Meta po ndjek procedurën për zgjedhjen e zotit Bajram Begaj si President i ri i Republikës.
Zëdhënësi i Presidentit, Tedi Blushi sqaron se “Presidenti do të respektojë çdo vendim të Kuvendit të shprehur me votë”.
Për këtë çështje po ashtu Blushi bën me dije se Meta ka zhvilluar sot një bisedë telefonike me Ministrin e Mbrojtjes, Niko Peleshi.
“Sqarim i Zëdhënësit të Presidentit të Republikës, z.Tedi Blushi:
Presidenti i Republikës, Sh.T.Z Ilir Meta është në ndjekje të procedurës për zgjedhjen e zotit Bajram Begaj si President i ri i Republikës dhe do të respektojë çdo vendim të Kuvendit të shprehur me votë.
Lidhur me këtë çështje dhe specifikat e saj Presidenti Meta ka zhvilluar sot një bisedë telefonike me Ministrin e Mbrojtjes, z.Niko Peleshi”, njofton presidenca./Opinion.al
