Kandidati i opozitës së qendrës së majtë Alberto Fernandez është zgjedhur president i Argjentinës me në zgjedhjet që u mbizotëruan nga debatet mbi ekonominë.
Fernandez siguroi më shumë se 45% të votave të nevojshme për të fituar, duke mposhtur presidentin aktuale konservator Mauricio Macri.
Zgjedhjet u mbajt mes një krize ekonomike që ka lënë një të tretën e popullsisë së Argjentinës në varfëri. Votuesit mbështetën kandidatin për të cilin mendojnë se kishte alternativën më të mirë për të nxjerrë vendin nga kriza.
Macri premtoi “varfëri zero” kur mori detyrën, por gjërat në fakt u përkeqësuan gjatë mandatit të tij katër vjeçar. Përkrahësit e tij thonë se ai trashëgoi një gjendje të rëndë ekonomike kur erdhi në pushtet dhe i duhej më shumë kohë për ta zgjidhur.
Ai pranoi humbjen natën e së dielës duke përgëzuar rivalin e tij politik. Ai tha se e kishte ftuar zotin Fernandez në Pallatin Presidencial të hënën për të diskutuar një tranzicion të rregullt të pushtetit.
Fernandez më vonë u tha mbështetësve se ai do të bashkëpunonte me presidentin që po largohet “në çdo mënyrë që mundemi”.
Me më shumë se 90% të votave të numëruara, Fernandez kryeson me 47.79% të votave, krahasuar me 40.71% të Macri.
Për të fituar në raundin e pare të zgjedhjeve presidenciale në Argjentinë, një kandidati i duhen të paktën 45% të votave, ose 40% dhe një epërsi prej 10 pikësh ndaj garuesit të vendit të dytë.
Alberto Fernández do të marrë presidencën në 10 dhjetor. /Opinion.al
