Kandidati i Partisë Socialiste për Bashkinë e Matit Agron Malaj, ka publikuar një video në rrjetin social “Facebook”, ku shfaqet një konflikt mes disa të rinjve.
Ai denoncon se eksponentë të Partisë Demokratike kanë dhunuar dy zyrtarë shtetërorë gjatë koncertit elektoral të zhvilluar mbrëmjen e djeshme në sheshin “Ahmet Zogu”. Malaj thotë se ngjarja ka ndodhur përpara zyrave të kualicionit “Bashkë Fitojmë”.
“Denoncim Publik!
Të dashur qytetare Matjane, gjatë gjithë fushates time elektorale jam përpjekur të shpjegoj dhe rikujtoj se këta që kemi përballe janë një bandë qe nuk rrinë dot kurre pa bere çorbë dhe maskarada.
Ky këtu është Sokol Hajredin Rami me banden e tij , djali i tij Erik Sokol Rami, Klajdi Jakup Metra dhe Aldo Xhezmi Dika që godasin dy zyrtare shtëror gjatë koncertit të mbrëmshëm në sheshin “Ahmet Zogu”, përpara zyrave të kualicionit “Bashkë Fitojmë”.
Ky eksoponent i Partise Demokratike pa vule që shoqëron kandidatin Skender Gjuci qysh kur ishte Kr Komune por dhe sot mendon të shantazhojë popullin e Matit me veprime të tilla. Keto banda janë llum i neveritshëm, që mendojnë se me të tilla veprime do shantazhojne popullin e Matit.
Turp turp turp për llumin”-shkruan Malaj.
