Kreu i grupit parlamentar të PS-së, Taulant Balla është pyetur sot në një dalje për mediat për kryebashkiakun aktual të Kuçovës, Kreshnik Hajdari, i cili do të rikandidojë sërish në lokalet e 14 majit, ndonëse rezulton i dënuar me vendim gjykate në Greqi për kalim të paligjshëm të kufirit.
Balla tha se duhet t’ia lemë Komisionerit të Zgjedhjeve që të bëjë verifikimet përkatëse, ndërsa shtoi se të gjithë shqiptarët që kanë qenë në emigracion mund të kenë pasur raste të tilla.
“T’ja lëmë komisionerit të Zgjedhjeve që të bëjë verifikimet përkatëse. Mendoj se për kryetarët që kanë qenë në detyrë dhe që ushtrimi i formularit të dekrimializmit është bërë prej shumë kohësh, mendoj se organet ligjzbatuese kanë pasur kohën. Ligji ka fuqi prapavepruese. Vetëm ligji na mbron të gjithëve dhe interesin publik. Të gjithë shqiptarët që kanë qenë në emigracion mund të kenë pasur raste të tilla (Pyetet për Kreshnik Hajdarin). S’jam thelluar në këtë rast. Të lëmë institucionet të bëjnë detyrën e tyre”-tha Balla.
