Opinion.al
Nuk ka rezultat
View All Result
KONTAKT
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë
Opinion.al
Nuk ka rezultat
View All Result

Kandidatët për kryeministër në Kosovë injorojnë “elefantin në dhomë”

2025/01/19 at 3:40 PM
në Rajoni, Te Fundit
Kohë leximi: 5 min
A A
Kandidatët për kryeministër në Kosovë injorojnë “elefantin në dhomë”

Kërkesë e vazhdueshme nga aleatët ndërkombëtarë, por, mesa duket, jo mjaftueshëm popullore për të joshur votues.


Normalizimi i marrëdhënieve me Serbinë nuk është top-zotim i asnjërit kandidat për kryeministër të Kosovës.

Në shtatë ditët e para të fushatës zgjedhore, të katërtit prej tyre – Albin Kurti i Vetëvendosjes në pushtet, Bedri Hamza i PDK-së, Lumir Abdixhiku i LDK-së dhe Ramush Haradinaj i AAK-së – energjitë i kanë përqendruar ekskluzivisht te politika e brendshme… dhe akuzat për njëri-tjetrin.

Me çmime të rritura, pagë mesatare 570 euro, papunësi mbi 10%, premtimet që fokusohen në përmirësimin e kushteve të jetesës, duket se depërtojnë më lehtë në mendjet e votuesve, por ata janë të vetëdijshëm se edhe dialogu, herët a vonë, është i pashmangshëm.

“Çdo qeveri që vjen në pushtet, pa bisedime me Serbinë, pa marrëveshje me Serbinë, nuk do të mund të sigurojë stabilitet”, thotë për Radion Evropa e Lirë Fadil Pacolli nga Prishtina.

Për bashkëvendësin e tij, Abdyl Gashi, “kjo çështje nuk ka të bëjë me kategorizim prioritetesh – i pari, i dyti, i treti – por është një rrjedhë në të cilën Kosova ka hyrë dhe jashtë së cilës nuk mund të dalë, pa marrë parasysh se cila qeveri vjen”.

“Edhe me një komshi – sikur ta kesh një punë të paqartë apo të pakryer – duhet të bisedosh, e lëre më me shtetin fqinj. Punët duhet të kryhen gjithsesi me dialog”, thotë Valbona Ballovci, po ashtu nga Prishtina.

Dialogu, përkatësisht normalizimi i marrëdhënieve me Serbinë është edhe kushti që komuniteti ndërkombëtar i ka vënë Kosovës për t’u anëtarësuar në Bashkimin Evropian dhe në organizata të tjera ndërkombëtare, qoftë NATO-ja, Këshilli i Evropës e kështu me radhë.

Kosova është e vetmja në Ballkanin Perëndimor që nuk e ka statusin e vendit kandidat për anëtarësim në BE.

Radio Evropa e Lirë kontaktoi zyrën e secilit kandidat për kryeministër, për t’i pyetur se si do t’i qasen dialogut me Serbinë në rast se fitojnë, por prej asnjërit nuk mori përgjigje.

Partitë e të katërve kanë udhëhequr qeverinë në periudha të ndryshme kur Kosova ka nënshkruar ose bërë marrëveshje me Serbinë, në kuadër të dialogut për normalizimin e marrëdhënieve.

Shumë prej këtyre marrëveshjeve, ende sot, nuk zbatohen prej asnjërës palë dhe tensionet mes tyre mbeten të larta.

Donika Emini, nga Grupi Këshillëdhënës në Evropë për Politika të Ballkanit, thotë se Kurti as në fushatën e para katër vjetëve nuk e ka përfshirë dialogun me Serbinë në mesin e prioriteteve të tij, duke u treguar më i pabindur para aleatëve ndërkombëtarë, ndërsa për partitë aktualisht në opozitë, ajo thotë se ka një arsye që nuk e përmendin atë.

“Para komunitetit ndërkombëtar, PDK-ja, LDK-ja, AAK-ja janë paraqitur gjithmonë si parti fleksibile, me të cilat Perëndimi mund të punojë. Por, të thuash diçka pro Asociacionit [të komunave me shumicë serbe] tani, është shumë jopopullore në Kosovë, cilësohesh edhe si tradhtar dhe këtë mezi e pret partia në fuqi, Vetëvendosje”, thotë Emini për programin Expose të Radios Evropa e Lirë.

“Në anën tjetër, të thuash se jemi kundër Asociacionit, atyre parti u digjet karta me komunitetin ndërkombëtar se ‘ne jemi konstruktivë dhe Kurti nuk është’. Ndaj, është thikë me dy tehe dhe po navigohet me shumë kujdes”, sipas saj.

Themelimi i Asociacionit të komunave me shumicë serbe në Kosovë është ndër pikat më të nxehta në kontestin e saj me Serbinë.

Dy vendet kanë arritur marrëveshjen e parë për të në vitin 2013, kur në pushtet në Kosovë ka qenë PDK-ja me kryeministrin Hashim Thaçi, ndërsa, dy vjet më vonë, kur pushteti është udhëhequr nga LDK-ja me Isa Mustafën, është arritur edhe një marrëveshje tjetër për parimet e atij asociacioni.

Marrëveshja nuk është zbatuar kurrë, nga frika e autoriteteve të Kosovës se do të mund të ndikonte keq në funksionalitetin e brendshëm të shtetit. Janë hartuar, ndërkohë, drafte për statutin e Asociacionit, janë dhënë garanci për të nga komuniteti ndërkombëtar, është bërë trysni, por pa sukses.

Kryeministri aktual, Albin Kurti, nuk është takuar me presidentin e Serbisë, Aleksandar Vuçiq, nga shtatori i vitit 2023. Ai nuk i është përgjigjur asnjë ftese të BE-së për takim, pasi po atë muaj ka ndodhur sulmi i armatosur në Banjskë të Zveçanit dhe Kurti ka kërkuar vazhdimisht nga Serbia – të cilën e ka bërë përgjegjëse – t’i dorëzojë fillimisht autorët e sulmit.

Demush Shasha, nga Instituti i Kosovës për Politika Evropiane, thotë se kushdo që të zgjidhet kryeministër i ri i Kosovës, me doemos, do të duhet të përshtatet mes kërkesave të bashkësisë ndërkombëtare në njërën anë dhe të kujdeset që Asociacioni të mos dalë jashtë kornizave kushtetuese të Kosovës në anën tjetër.

Megjithatë, paralajmëron se gjetja e këtij mesi të artë nuk do të jetë e lehtë për asnjërën palë.

“Serbia nuk është më dele e zezë e rajonit, nuk është më armike e Perëndimit, i cili e ka bombarduar. Për dallim prej 1999-ës, Serbia, në vitin 2025 është aleate e Perëndimit dhe kjo aleancë mes tyre vetëm se është duke u rritur. Ata gëzojnë sot raporte të paprecedente politike, ushtarake, ekonomike”, thotë Shasha.

Në mes të një agjende të ngjeshur globale, Besar Gërgi, nga Grupi për Studime Ligjore dhe Politike në Prishtinë, nuk pret që përpjekjet për normalizimin e marrëdhënieve mes Kosovës dhe Serbisë të jenë shpejt në vëmendjen e ndërkombëtarëve.

Ndaj, rekomandon që kryeministri i ri i Kosovës të fokusohet në tri prioritete tjera imediate të politikës së jashtme, sipas tij:

“Nën një është siguria kombëtare, sepse, çdo ditë e më shumë, rrezikohet nga Serbia me anë të militarizimit të saj dhe politikës ekspansioniste. Nën dy është konsolidimi i njohjes ndërkombëtare. Dhe, nën tre, është mirëqenia ekonomike e qytetarëve. Meqenëse Kosova është një shtet i vogël – qoftë me popullsi, qoftë me territor, qoftë me resurse ekonomike – duhet të synohet tërheqja e kapitalit të huaj për zhvillimin e ekonomisë së vendit”.

Derisa Gërgi thotë se përparimi në dialog do të varet ekskluzivisht nga vullneti i palëve, David Phillips, drejtor i Programit për Ndërtimin e Paqes dhe të Drejtat e Njeriut në Universitetin e Kolumbias, thotë se ritmin do të mund ta imponojë edhe presidenti i zgjedhur amerikan, Donald Trump, nga i cili nuk pret që të ketë shumë durim.

“Administrata e re do të ndjekë një politikë të ndarjes, të ngjashme me politikat e saj në të kaluarën. Ajo do të përpiqet të krijojë ose zona të veçanta ekonomike në veri të Kosovës, ose ndarje ligjore, duke ia bashkuar Serbisë komunitetet në veri të lumit Ibër. Trump është tregtar dhe njeri i pasurive të patundshme”, thotë Phillips.

Në vazhdën e luftës në Ukrainë, armiqësive në Lindjen e Mesme, rritjes së Kinës dhe sfidave të tjera gjeopolitike, çdo parashikim është i pasigurt.

Kandidatët për kryeministër të Kosovës kanë kohë deri në ditën e zgjedhjeve më 9 shkurt për t’i bindur votuesit se kanë një vizion të qartë dhe efektiv për të ardhmen e tyre.

Pastaj, lista e tyre me gjërat “për t’u bërë” edhe mund të riorganizohet./REL



Ju sugjerojmë

Maliq/ Sherr mes adoleshentëve, plagoset me thikë 15-vjeçari
Aktualitet

Maliq/ Sherr mes adoleshentëve, plagoset me thikë 15-vjeçari

16 Maj, 2025 3:36 pm
Berisha nga Samiti i IDU në Bruksel:Ishin zgjedhjet më të dhunuara, farsë elektorale
Aktualitet

Berisha nga Samiti i IDU në Bruksel:Ishin zgjedhjet më të dhunuara, farsë elektorale

16 Maj, 2025 3:17 pm
Rama-liderëve: Në Kanunin tonë thuhet…Sa herë të vini në Shqipëri,jeni të mirëpritur
Aktualitet

Rama-liderëve: Në Kanunin tonë thuhet…Sa herë të vini në Shqipëri,jeni të mirëpritur

16 Maj, 2025 3:07 pm
Presidentja e PE Metsola vlerëson fitoren e Ramës: Mbështetje për integrimin
Aktualitet

Presidentja e PE Metsola vlerëson fitoren e Ramës: Mbështetje për integrimin

16 Maj, 2025 3:02 pm
Samiti/ Merz: Të jemi të qartë për mbështetjen tonë ushtarake për Ukrainën
Aktualitet

Samiti/ Merz: Të jemi të qartë për mbështetjen tonë ushtarake për Ukrainën

16 Maj, 2025 2:50 pm
Samiti në Tiranë, Von Der Leyen: Jemi të gatshëm të sjellim Putinin në tryezë
Aktualitet

Samiti në Tiranë, Von Der Leyen: Jemi të gatshëm të sjellim Putinin në tryezë

16 Maj, 2025 2:46 pm
Starmer: Në portin e Durrësit pashë si forcat britanike e shqiptare punojnë kundër…
Aktualitet

Starmer: Në portin e Durrësit pashë si forcat britanike e shqiptare punojnë kundër…

16 Maj, 2025 2:27 pm
“Jemi në moment kritik”/ Erdogan: Armët duhet të heshtin, të vendoset paqja…
Aktualitet

“Jemi në moment kritik”/ Erdogan: Armët duhet të heshtin, të vendoset paqja…

16 Maj, 2025 2:26 pm
“Urime Edit për rizgjedhjen e papritur”/ Meloni: BE është sot pikërisht ajo që doja
Aktualitet

“Urime Edit për rizgjedhjen e papritur”/ Meloni: BE është sot pikërisht ajo që doja

16 Maj, 2025 2:10 pm
‘Putin kishte frikë të vinte në Turqi!’/ Zelensky: Paqja në Europë varët nga Ukraina
Aktualitet

‘Putin kishte frikë të vinte në Turqi!’/ Zelensky: Paqja në Europë varët nga Ukraina

16 Maj, 2025 2:10 pm
Para
Rama “sy m’sy” në “Facebook” me qytetarët: 1247 shërbime publike pa radhë përmes e-albania, fryti më kuptimplotë i antikorrupsionit

Rama “sy m’sy” në “Facebook” me qytetarët: 1247 shërbime publike pa radhë përmes e-albania, fryti më kuptimplotë i antikorrupsionit

Aksident në Vlorë, humb jetën drejtuesi i motorit

Aksident në Vlorë, humb jetën drejtuesi i motorit

VIDEO/ Një grumbull rrënojash, si duket Gaza pas tërheqjes së Izraelit

VIDEO/ Një grumbull rrënojash, si duket Gaza pas tërheqjes së Izraelit
















TE FUNDIT

Maliq/ Sherr mes adoleshentëve, plagoset me thikë 15-vjeçari

Maliq/ Sherr mes adoleshentëve, plagoset me thikë 15-vjeçari
16 Maj, 2025

Një sherr ka ndodhur sot mes dy adoleshentëve në Maliq, ku mbeti i plagosur me thikë një 15-vjeçar. Sipas uniformave...

Lexo më shumë

Berisha nga Samiti i IDU në Bruksel:Ishin zgjedhjet më të dhunuara, farsë elektorale

Berisha nga Samiti i IDU në Bruksel:Ishin zgjedhjet më të dhunuara, farsë elektorale
16 Maj, 2025

Kryetari i Partisë Demokratike, Sali Berisha, në një intervistë pas fjalës së tij në samitin e IDU-së në Bruksel, deklaroi...

Lexo më shumë

Rama-liderëve: Në Kanunin tonë thuhet…Sa herë të vini në Shqipëri,jeni të mirëpritur

Rama-liderëve: Në Kanunin tonë thuhet…Sa herë të vini në Shqipëri,jeni të mirëpritur
16 Maj, 2025

Në përfundimit të sesionit të parë të Komunitetit Politik Evropian, kryeministri Edi Rama duke bërë batuta me liderët evropianë u...

Lexo më shumë

Presidentja e PE Metsola vlerëson fitoren e Ramës: Mbështetje për integrimin

Presidentja e PE Metsola vlerëson fitoren e Ramës: Mbështetje për integrimin
16 Maj, 2025

Presidentja e PE Roberta Metsola e ka vlerësuar fitoren e Kryeministrit Rama në zgjedhjet e së dielës si mbështetje të...

Lexo më shumë
Opinion.al

Kategoritë

Kryesore

Aktualitet

Unë Shkruaj

Komente

Bota 

Sport 

Instabiz

Opinion Web Tv

Lifestyle

Galeri

Rreth Nesh

ON AIR: E hene – E marte – E merkure – 22:15 E ejnte – 21:00

OPINION nga Blendi Fevziu. Emisioni politik me i ndjekur dhe me i preferuar ne ekranet shqiptare.
“Opinion” vjen ne kater takime cdo jave – e hene, e marte, e merkure dhe takimi tradicional i te ejntes mbrema.
Cdo jave ne studion e Tv Klan, komente, analiza, debate, komente, intervista, personazhe, deshmi dhe fakte konkrete. Ngjarjet me te fundit dhe me te rendesishme ne jeten politike dhe sociale te vendit, me debatet, opinionet dhe analizat e te ftuarve ne studio.
Salloni i politikes dhe aktualitetit hap dyert 4 mbremje ne jave, per te degjuar opinionet e politikaneve dhe analisteve. Padron i shtepise, gazetari dhe analisti Blendi Fevziu.

Të gjitha të drejtat e rezervuara Opinion ©2025
Dev By Techzero1.com

Nuk ka rezultat
View All Result
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë

Të gjitha të drejtat e rezervuara Opinion ©2025
Dev By Techzero1.com