Më 26 dhe 27 shkurt tetë kandidatët për Byronë Kombëtare të Hetimit do të zhvillojnë intervistimin. Lajmin e ka bërë të ditur BKH me anë të një komunikate për mediat, ku theksohet se intervistimi do të bëhet në Sallën e Mbledhjeve të Prokurorisë së Posaçme.
Sipas informacioneve, çdo kandidat do të ketë një orë në dispozicion, për t’iu përgjigjur pyetjeve të anëtarëve të Komisionit të Përzgjedhjes.
Bëhet me dije se i gjithë procesi do të monitorohet nga Komisioni i Pavaruar i Rishikimit (Komisioni Ndërkombëtar).
Komisioni i Përzgjedhjes gjithashtu sqaron që spekullimet në media në lidhje me numrin e kandidatëve që mund të kenë ngelur në testin e poligrafit nuk janë të vërteta. Rezultatet e testeve të poligrafit janë konfidenciale dhe rregullat për aksesimin e një informacioni të tillë janë shumë të rrepta.
Intervistat do kryhen në rendin alfabetik si më poshtë:
Në datën 26.02.2020
1. Aida Veizaj, ora 10.00
2.Ardian Çipa, ora 11.00
3. Artur Beu, ora 12.00
4. Ervin Hodaj, ora 13.00
Në datën 27.02.2020
1.Gentjan Shehaj, ora 10.00
2. Lindita Nushi, ora 11.00
3. Idajet Faskaj, ora 12.00
4. Ylli Pjetërnikaj, ora 13.00./Opinion.al
