Byroja Kombëtare e Hetimit ka njoftuar ditën e sotme se është mbyllur procesi i shqyrtimit të aplikimeve fillestare për hetues duke bërë të mundur kështu që të kualifikohen 421 kandidatë.
Sipas njoftimit zyrtar, nga 572 aplikim, 151 nuk e kaluan dot fazën tjetër teksa të kualifikuarit më 27 maj i nënshtrohen Testit të Arsyetimit Logjik me shkrim.
Pas kësaj faze më 1 qershor deri më 4 qershor do të zhvillohet Testi i Aftësive Fizike.
“Testi i Arsyetimit Logjik do të zhvillohet në Pallatin e Kongreseve, udhëzimet mbi zhvillimin e testit gjenden në LINK 2 bashkëlidhur.
Testi i Aftësive Fizike do të zhvillohet në datat 01 .06 – 04.06.2021, kandidatët e kualifikuar për këtë fazë do të njoftohen pas përfundimit të Testit Logjik.
Falenderojmë gjithë aplikantët që shprehën vullnetin për të marrë pjesë në këtë konkurrim.”– thuhet ndër të tjera në njoftim./Opinion.al
