Disa kandidatë për deputetë të Partisë Demokratike, kanë kërkuar nga Komisioni Qendror i Zgjedhjeve rinumërimin e votave preferenciale në disa qarqe.
Bëhet fjalë për demokratët Ilir Alimehmeti, Altin Goxhaj, Lisander Hoxha (qarku Tiranë), Ilirjana Kuçana, Aulon Kalaja (qarku Durrës), Arben Lushaj (qarku Shkodër) dhe Shkëlqim Shehu (qarku Kukës).
Sakaq nga ana tjetër, Partia Demokratike – Aleanca për Shqipërinë Madhështore, ka kërkuar pamjet filmike të numërimit të votave për Bashkinë Kamëz. Po kështu janë kërkuar dhe pamjet filmike nga qendrat e votimit për Bashkinë Kamëz dhe qarqet Durrës e Fier.
Lidhur me Bashkinë Kamëz, gazetari Enkel Xhangoli, raporton se demokratët pretendojnë për parregullsi. Për këtë arsye i kërkon Komisionit Qendror të Zgjedhjeve verifikimin e fletëve të votimit, në mënyrë që të përjashtohet dyshimi i përdorimit të manipulimit.
