Kryetari i Partisë së Lirisë, Ilir Meta ka deklaruar ditën e sotme se bashkia Tiranë ka përjetuar një degradim fatal në vitet e qeverisjes nga Partia Socialiste.
Në një intervistë në Euronews Albania, i pyetur lidhur me mundësinë e kandidimin për Bashkinë Tiranë, siç është përfolur kohët e fundit në media, Meta tha se opozita ka shumë alternativa brenda saj ndërsa shtoi se çdo kandidat i opozitës do të jetë triumfues.
“Secili kandidat i opozitës ka mbështetjen time. Kam një lidhje të fortë me Tiranën ku kam qenë kryeministër. Vendimi për t’ia kthyer parkun Rinia kryeqytetit, Lanën dhe e patë çfarë ndodhi kur ky njëri i pati të gjitha në dorë, që shkatërroi gjithçka që ka lidhje me identitetit tonë”, tha Meta.
