Qytetarët në Kanada do jenë të aftë të pinë marihuanë në mënyrë legale që prej 1 korrikut të vitit 2018. Të paktën kështu ka njoftuar qeveria e Kryeministrit Justin Trudeau, e cila po planifikon legalizimin e marihuanës në vend.
Sipas propozimit, mosha për blerje do të limitohet në 18 vjet derisa në disa provinca mosha do të jetë më madhore.
Kanadezët që duan të kultivojnë marihuanën do të limitohen në katër bimë për shtëpi.
Provincat gjithashtu do të kontrollojnë çmimin, bashkë me kontrollimin e shitjes dhe blerjes. Nëse droga legalizohet, do të realizohet një premtim i bërë nga Partia Liberale e Trudeau në zgjedhjet e përgjithshme të vitit 2015. Lajmin për legalizim raportohet se do ta bëjë publik vetë Trudeau muajin e ardhshëm.
Aktualisht në Kanada mund të përdoret marihuanë me recetë mjeku.
