Të paktën 15 persona kanë vdekur në një aksident të rëndë rrugor në provincën kanadeze të Manitoba, tha Policia Mbretërore Kanadeze (RCMP).
Përplasja ndodhi mes një kamioni dhe një autobusi që transportonte kryesisht të moshuar në autostradën Trans-Canada pranë Carberry, dy orë në perëndim të Ëinnipeg.
Ekuipazhet e urgjencës dhe ambulancat ajrore i janë përgjigjur menjëherë thirrjrs për ndihmë.
Në disa postime në Twitter, RCMP në Manitoba tha se po i përgjigjej një përplasjeje “shumë serioze me viktima masive” dhe se të gjitha burimet e saj, duke përfshirë njësinë e saj kryesore të krimit, ishin vendosur në vendngjarje.
Automjetet e urgjencës, duke përfshirë një ambulancë ajrore dhe 12 ambulanca të tjera, u dërguan në vendin e ngjarjes në orën 11:43 me kohën lokale të enjten (17:35 BST).
Shumica e të moshuarve në automjetin tranzit ishin nga Dauphin, Manitoba dhe zonat përreth.
Të paktën 10 persona, përfshirë dy shoferët, janë në spital me lëndime të rënda./Opinion.al
