Kreu i grupit parlamentar socialist, Taulant Balla u shpreh sot nga foltorja e Kuvendit se legalizimi i kanabisit për përdorim në Shqipëri nuk do të ndodhë deri sa Partia Socialiste të jetë në pushtet. Ai tha se kjo kulturë bujqësore do të krijojë një cikël të ri ekonomik për përdorim mjeksor.
“Lidhur me zallamahinë dhe zhurmën që është bërë gjithë këto ditë lidhur me një keqpërdorim të termit legalizim kanabisi.
Nuk ka legalizim kanabisi në Shqipëri, sa të jemi ne. Nuk ka për të pasur kurrë legalizim kanabisi në Shqipëri. Ajo që prej një viti duam të hulumtojmë dhe kemi hulumtuar të gjitha praktikat më të mira se si kjo kulturë bujqësore ka një rendiment të lartë dhe krijon një cikël të ri ekonomie për arsye përdorimi mjeksore.
Të gjithë ata që u shqetësuan shumë, dua të them se shteti i Maqedonisë së Veriut përfiton të paktën 100 milion euro në vit, ndërkohë i gjithë cikli i plotë ekonomik që kjo kulturë buqësore shkon deri në 500 milion euro. Përse duhet ti humbi ekonomia shqiptare këto?”- tha Balla.
Sa i përket projekt-ligjit për heqjen e TVSH-së për jahtet që u diskutua sot në Kuvend, Balla tha se kjo bëhet për të bërë më tërheqës turizmin në Shqipëri. Akuzave se kjo nismë favorizon oligarkët, nurmri dy i PS iu përgjigj duke thënë se në Shqipëri nuk ka oligarkë.
“Kjo është një politikë dhe qasje e re për turizmin, e cila është e domozdoshme nëse duam të kemi një turizëm konkurues me ata që kemi pranë nesh, Malin e Zi, Greqinë dhe Italinë përballë.
Të gjithë e dimë që gjatë verës bregdeti shqiptar nuk ka atë atraksion turistik që lidhet me përdorimin e mjeteve lundruese me qellime turistike apo argëtuese. Kjo politikë e re është dëshira jonë për të përfituar sa më shumë nganjë zinxhir i plotë ekonomik që kjo politikë krijon.
Që në Shqipëri nuk ka oligarkë nkjo është e sigurtë, sepse egziston askush që ti imponojë vendimet e caktuara që meren në qeveri dhe parlament. Oligarë janë ata që ndikojnë në vendimarrje të caktuara politike. Kjo nisëm do të krijojë një ciklë të ri ekonomik aty ku nuk e kemi zhvilluar kurrë. Do të ketë porte ku do të punësohen me qindra njerëz.”- tha ai. /Opinion.al
