Pas deklaratave të Kryeministrit se qeveria shqiptare është duke parë krijimin e një drafti për legalizimin e kultivimit të kanabisit për qëllime mjekësore, për herë të parë ka folur mbi këtë çështje edhe Ministri i Brendshëm Sandër Lleshaj.
I pyetur nga gazetari Spartak Koka në “Opinion” lidhur me këtë propozim dhe angazhimin e ekspertëve të Ministrisë së Brendshme në hartimin e këtij drafti, Lleshaj tha:
“Duke qenë se bëhet fjalë për një projekt mjekësor Ministria e Brendshme nuk është përfshirë ende në këtë proces. Sepse ende jemi në një fazë të hershme të procesit, sigurisht do i merret mendimi sepse përveçse mjekësor, një projekt i tillë sigurisht ka dhe elementë sigurie. Dhe vëtëm kur të bëhet bashkë elementi mjekësor dhe elementi i sigurisë, atëherë do të jetë i pjekur projekti për t’u diskutuar ”.
Fevziu: Personalisht jeni në favor të këtij projekti?
LLeshaj: Unë nuk mund të shprehem as në favor as në disfavor të një projekti të paartikuluar.
Fevziu: A e kontrollon dot policia e shtetit?
Lleshaj: Sigurisht e kontrollon, sepse derisa kontrollon dhe jep garanci për kontrollin e përhapjes ilegale përhapjen legale e ka të thjeshtë./Opinion.al
