Partia Demokratike ka publikuar vendimin e Këshillit të Ministrave i cili është botuar në Fletoren Zyrtare për ndërtimin e Kampusit të Universitetit të Tiranës.
Në reagimin e saj, PD shprehet se në prishjen e godinave në Qytetin Studenti fshihej një aferë korruptive, pasi sipas saj, Kampusi Universitar do të jepet me PPP dhe pas “kësaj afere qëndron kryetari i Bashkisë së Tiranës, Erjon Veliaj”.
PD thotë se pas përveç shëndetësisë, rrugëve, mbetjeve, tani i erdhi radha edhe arsimit që të koncesionohet!
“Partia Demokratike denoncoi disa javë më parë që prishja e godinave në Qytetin Studenti kishte pas saj një aferë korruptive. Dje, dokumenti i publikuar në Fletoren Zyrtare, konfirmoi se Kampusi Universitar do të jepet me PPP dhe, si kudo, pas kësaj afere qëndron Erjon Veliaj. Sa herë bëhet fjalë për një leje ndërtimi, një koncesion/PPP abuziv, prishje dhe nxjerrje nga shtepitë, kudo është dora e tij! Përveç shëndetësisë, rrugëve, mbetjeve, tani i erdhi radha edhe arsimit që të koncesionohet!”-thuhet në reagimin e PD/./Opinion.al
