Shkëndija e Tetovës vijon më fort se kurrë luftën për titullin kampion në Maqedoni. Skuadra kuqezi ka arritur të marrë një fitore tepër të rëndësi ndaj Sileksit në transfertë me rezultatin 1-3. Një gol i brazilianit Zhunior dhe një dopietë e Ibrahimit i dhanë fitoren mëse të merituar tetovarëve.
Pas këtij suksesi Shkëndija e sheh akoma më afër kreun e renditjes që mbahet nga Vardari, kjo për arsye se kampionët e Maqedonisë u ndalën në një barazim pa gola në derbin ndaj Shkupit.
Tashmë skuadra shqiptare ka mundësi të marrë kreun e renditjes pasi është dy pikë pas Vardarit, por ka një ndeshje më pak për të luajtur gjë që i’a mundëson të marrë edhe kreun e renditjës në rast të një fitoreje. Ndërkohë që Shkupi i ka dhënë një “asist” Shkëndijës në luftë për titull.
