“Shqipëria garon për të shpëtuar fëmijë nga kampi xhihadist”! Kështu është titulluar reportazhi i BBC për Shqipërinë.
Media prestigjioze i ka kushtuar një shkrim operacioneve të nisura për shpëtimin e fëmijëve shqiptar nga kampi i quajtur ‘Al Hol.
Shkrimi ka nisur me historinë e Eva Dumanit, motrën e Endrit, e cila nuk u kthye në Shqipëri së bashku me vëllanë e saj. Nga çfarë është raportuar deri më tani mësohet se Eva ishte fshehur pasi nuk dëshironte që të kthehej, por një fakt i tillë nuk u konfirmua kurrë. Në shkrim theksohet se publikimi i fotos së vajzës mund t’i rrezikonte jetën.
” Fytyra e zbehtë e Evës shkëlqen e mbuluar nga shalli dhe kapuçi i saj i zi. Sytë e saj të kaftë të zbehtë shikojnë drejt e në kamerë. Sot 16 vjeç, ajo u rrëmbye nga babai i saj Shkëlzen dhe u dërgua në Siri kur ajo ishte vetëm nëntë vjeç. Ne nuk mund ta publikojmë fotografinë e saj sepse mund t’i rrezikojmë. Eva është akoma në kampin al-Hol në Sirinë veriore, ku u mor me mbi 70,000 jetime të tjera dhe të veja të luftëtarëve xhihadistë të Shtetit Islamik”, nis shkrimi.
Më tej shkrimi vijon me një citim të ish- ministrit të Brendshëm, Sandër Lleshaj i cili është shprehur se ‘Çdo fëmijë i sjellë në shtëpi është një shqiptar më shumë, dhe një terrorist më pak’
“Ne mendojmë se ka një detyrim moral për të riatdhesuar të paktën fëmijët, sepse ata nuk janë terroristë, ata janë viktima të prindërve të tyre të papërgjegjshëm. Por ata mund të rriten në monstra të vërtetë nëse i lëmë në kampe dhe i injorojmë,” mësohet t’i ketë thënë Lleshaj BBC.
Kujtojmë se më 26 tetor u përmbyll me sukses operacioni për kthimin e 4 fëmijëve, Amar Rasha, Emel Rasha dhe Hatixhe Rasha dhe nëna e tyre Floresha Rasha (e plagosur në Siri) dhe të Endri Dumanit. Në kamp vijon të jetë motra e Endrit, Eva, ku sipas burimeve ajo është fshehur dhe nuk ka dashur që të rikthehet./Opinion.al
