Kryeministri Rama po zhvillon një ceremoni ku po nderon me yllin e medaljes Gjeneral Major Abbas Ibrahim, për operacionet e kthimit në vend të shqiptarëve që ndodheshin në kampin Al-Hol në Siri.
“Hero është ai që ka për qëllim ta bëjë botën një vend më të mirë për të gjithë, dhe nuk ka një përshkrim më të saktë se kaq për gjeneralin Abass Ibrahim. Ai ka qenë pika jonë e referimit, ka qenë krahu jonë i zgjatur në drejtim të atyre fëmijëve dhe grave, ka qenë shqiptari më i mirë, i pakursyer dhe pa asnjë interes tjetër përveç atij human”, tha Rama.
Më tej Rama tha: Sot bazuar në të dhënat mbi të cilat ne punojmë, ne kemi nxjerr prej andej më shumë se gjysmën e personave. Vazhdon përpjekja ashtu siç janë rritur dhe përgjegjësit, pasi në kampe është përkeqësuar situata. Unë dua ta falënderoj gjeneralin për kurajën që na ka dhënë, për marrjen e zotimit për të shpëtuar ata fëmijë. Dhe jo vetëm kaq, por dua ta falënderoj se ka krijuar kushte optimale të sigurisë fizike të personelit shqiptar që kanë shkuar në Liban. Po ashtu ka ndihmuar operacionet dhe me kapacitetin e tij ndikues dhe aktorët e tjerë politikë. E gjithë kjo ka sjell që marrëdhëniet tona me Libanin të marrin një përmasë miqësore të përgjithshme.
