Politikë

Kamioni me kanabis në Bllatë, ish-deputeti: Policia fshehu ngjarjen


Bëhu pjesë e Grupit Zyrtar të Opinion.al
>> KËTU <<
               Publikuar në : 10:33 - 07/08/20 |
el ida

Ish-deputeti i Partisë Demokratike, Xhemal Gjunkshi, ka reaguar në lidhje me kapjen e 370 kilogramë kanabis, në doganën e Bllatës në Dibër.  Sipas tij, rasti i djeshëm u konstatua në mëngjes dhe u bë publik në darkë, pasi u prit që të bëheshin të gjallë pronarët.

Me një postim në rrjete sociale, Gjunkshi shkruan se policia deshi ta fshihte ngjarjen apo të ulte kilogramët, ashtu siç fshehu parcelën me rreth 300 rrënjë kanabis që u gjet në zabelet e Staravecit, parcelat në malet e Selishtës, e tjerë.

Në fund, Gjunkshi shtroi pyetjen nëse kjo duket si një lojë që po e luajnë vetë drejtuesit e policisë, që i lejojnë ta mbjellin, kujdesen ta korrin dhe pastaj kapin ato që duan vetë, pikërisht për tu hedhur hi syve Shqiptarëve.

Postimi i plotë i Xhemal Gjunkshit:

Bosët e drogës dhe të krimit punojnë qetësisht në trafikimin e lëndëve narkotike! Konfirmohen denoncimet e opozitës për trafikun ndërkombëtar të drogës që po gëlon në të gjitha anët nga deti e nga toka …! Ditën e djeshme u kap në doganën e Bllatës një sasi prej 370 kg kanabisi, por edhe pse u konstatua në mëngjes u bë publike në darkë vetë pasi e bënë publike mediat. Kuptohet pritën të bëhen të gjallë pronarët, se si gjithmonë shoferi do e pësonte ! Si gjithmonë policia “ndoshta” deshi ta fshehte ngjarjen apo të ulte kilogramët… …ashtu siç fshehu parcelën me rreth 300 rrënjë kanabis që u gjet në zabelet (kodrat) e Staravecit! …ashtu siç po lejojnë parcelat në malet e Selishtës ….ashtu siç po fshehin parcelat përgjatë luginës së Drinit nga Luznia , Çetushi , Muhurri, Fushë Alia e Zall Dardha. A nuk duket kjo si një lojë që po e luajnë vetë drejtuesit e policisë ?  Që i lejojnë ta mbjellin, kujdesen ta korrin dhe pastaj kapin ato që duan vetë, pikërisht për tu hedhur hi syve Shqiptarëve !

Pas