Policia e Vlorës ka informuar se është bërë i mundur lirimi i qarkullimit të automjeteve në “Qafën e Llogorasë”, pasi është arritur të largohet nga vendi mjeti i tonazhit të rëndë që e kishte bllokuar atë.
Paraditen e sotme u informua se ishte bllokuar qarkullimi në “Qafën e Llogorasë”, te vendi i quajtur “Çezma” pasi një automjet i tonazhit të rëndë kishte dalë nga rruga dhe pengonte qarkullimin e automjeteve të tjera.
Fatmirësisht është arritur të lëvizet mjeti dhe qarkullimi në këtë aks i është kthyer normalitetit.
“Shërbimet e Sektorit të Policisë Rrugore Vlorë kanë shtuar prezencën e tyre nëpër akset rrugore, me qëllim orientimin e trafikut dhe parandalimin e aksidenteve rrugore, për shkak të reshjeve të borës dhe temperaturave të ulëta, që kanë përfshirë qarkun e Vlorës.
Në “Qafën e Llogorasë”, të vendi quajtur “Çezma”, rruga u hap dhe lëvizja e mjeteve vazhdon normalisht, në këtë aks rrugor”,-njoftoi policia e Vlorës./Opinion.al
