Një 21-vjeçar ka humbur jetën pasi ka rënë nga lartësia në orët e vona të mbrëmjes.
Ngjarja ka ndodhur në rrugën “Halit Haxhia”, në Babrru, Kamëz. I riu transportua për në spital, por nuk mundi t’u mbijetojë plagëve të marra.
Policia njofton se 21-vjeçari vuante nga probleme të shëndetit mendor dhe muajt e fundit merrte mjekime për depresionin.
Tiranë/Informacion paraprak
Më datë 04.05.2020, rreth orës 23:50, në rrugën “Halit Haxhia”, në Babrru/ Kamëz, ka rënë nga lartësia e banesës së tij shtetasi E. K., 21 vjeç, i cili është dërguar menjëherë në spital në gjendje të rendë shëndetësore, ku më pas ka ndërruar jetë.
Grupi hetimor vijon punën për përcaktimin e plotë të shkakut të kësaj ngjarjeje.
Paraprakisht dyshohet se ky shtetas vuante nga probleme të shëndetit mendor, pasi muajt e fundit merrte mjekime për depresionin./ Opinion.al
