Autoritetet iraniane do të përdorin kamera në vende publike për të identifikuar gratë që shkelin ligjin e hixhabit të vendit, raportuan mediat shtetërore.
Gratë në Iran rrezikojnë të arrestohen nëse nuk i mbulojnë flokët. Shumë prej tyre kanë sfiduar kodin e detyrueshëm të veshjes si pjesë e protestave të përhapura që pasuan vdekjen e një gruaje të re në paraburgim për shkelje të rregullave.
Autoritetet, megjithatë, nuk tregojnë asnjë shenjë tërheqjeje për këtë çështje.
“Një masë e re për të parandaluar tensionet dhe konfliktet në zbatimin e ligjit të hixhabit, policia iraniane do të përdorë kamera inteligjente në vende publike për të identifikuar njerëzit që shkelin normat”, citon policinë agjencia shtetërore e lajmeve Tasnim.
Pas identifikimit të grave, atyre do t’u dërgoheshin mesazhe paralajmëruese, të cilat detajojnë kohën dhe vendin specifik ku ata kishin “shkelur” ligjin, sipas Tasnim.
“Në kuadër të ruajtjes së vlerave, mbrojtjes së privatësisë së familjes dhe ruajtjes së shëndetit mendor dhe qetësisë shpirtërore të komunitetit, çdo lloj sjelljeje individuale apo kolektive kundër ligjit, nuk do të tolerohet”, raporton media vendase.
