Komisioni i Rithemelimit të PD ka reaguar pasi në selinë blu u vendosën kamera të tjera vëzhgimi.
Përmes një komunikate për mediat, Komisioni i Rithemelimit të PD shkruan se Basha ka frikë nga 44 mijë votat e demokratëve që votuan për shkarkimin e tij në referendumin e 18 dhjetorit.
Ndërsa thekson faktin se Partia Demokratike do t’ju rikthehet demokratëve dhe pronarëve të vërtetë.
Duke iu referuar Bashës, Komisioni i rithemelimit, shkruan se “ish-qiraxhiu duhet të kuptojë se nuk ka kamera, bravë apo gaz lotsjellës që mund ta ndalë vullnetin e tyre!”
“Deputeti Basha, pas karriges, dita-dites po humbet dhe arsyen! Frika nga perballja me vullnetin e 44 mije demokrateve qe votuan per shkarkimin e tij ne dt 18 Dhjetor e shtyn cdo dite ne absurditete te reja.
Shnderrimi i shtepise se lirise ne nje bunker te sigurise se larte eshte deshmi e vetmise dhe paranojes qe ka kapluar karrigethyerin qe ka humbur arsyen per te kuptuar se lider dhe kryetar nuk te ben as vula, as brava dhe as kamerat e sigurise, por vullneti i 44 mije demokrateve qe te dhane pergjigjen me te merituar ne date 18 dhjetor.
Partia Demokratike do t’u rikthehet shume shpejt demokrateve, pronareve te saj te vertete dhe eshte ne te interes te ish-qeraxhiut ta kuptoje se nuk ka kamera, brave apo gaz lotsjelles qe mund t’a ndale vullnetin e tyre!”-shkruan në reagimin e tij Komisioni i Rithemelimit të PD./Opinion.al
