Zëvendëspresidentja e Shteteve të Bashkuara të Amerikës, Kamala Harris ka thyer heshtjen pas humbjes përballë Donald Trump.
Nga Universiteti Howard në Uashington DC, nga i cili u diplomua në 1986, Harris foli përpara mbështetësve të saj.
Ajo u buzëqeshi mbështetësve duke i thënë “zemra ime është plot sot”.
Zëvendëspresidentja u shpreh se rezultati mund të mos ketë qenë ai që donim, por “më dëgjoni kur them se drita e premtimit të Amerikës do të digjet gjithmonë për sa kohë që ne nuk dorëzohemi kurrë”.
Gjithashtu në fjalimin e saj, Kamala falënderoi familjen e saj së bashku me Presidentin Joe Biden dhe zonjën e parë Jill Biden.
“Për Doug-in tim të dashur dhe familjen tonë, ju dua shumë. Presidentit Biden dhe Dr. Biden, ju falënderoj për besimin dhe mbështetjen tuaj. Për guvernatorin Walz dhe familjen Walz, e di që shërbimi juaj për kombin tonë do të vazhdojë”, tha ajo.
“Jam krenare për garën që kemi bërë” ,në 107 ditët e fushatës, tha ajo dhe falënderoi mbështetësit.
