Gjatë takimit të zhvilluar ditën e sotme me banorët e “Unazës së Re” kreu i Partisë Demokratike, Lulzim Basha është ndalur nga një votues i majtë, i cili i shprehu zhgënjimin nga qeveria aktuale.
Gjatë bisedës ai ka ngritur problemet e legalizimeve dhe grabitjen e pronës “Kam qenë një njeri i majtë, por jam totalisht i zhgënjyer nga kjo qeveri. E kam votuar disa herë dhe ka qenë zhgënjim të gjitha herët që e kam votuar, sepse na kanë grabitur pronat. Kemi punuar jashtë shtetit si emigrantë në Itali dhe Greqi. Kemi kërkuar pse s’na legalizojnë, nuk na kanë pritur fare, kështu kush e do shtëpinë dhe Shqipërinë të votojë për Lulzimin”, tha qytetari.
Sakaq, Basha tha se qeveria e dalë nga vota e 25 prillit do të jetë e të gjithë shqiptarëve, qofshin këta të majtë apo të djathtë.
“Të falënderoj shumë dhe ky është mesazhi jonë. Me ne fitojnë edhe të majtët edhe të djathtët. Me ne fiton e gjithë Shqipëria. Me 25 vota juaj nuk do të jetë thjeshtë votë për një parti politike. Do të jetë votë për familjen tuaj, do të jetë votë për t’i ndëshkuar ata që nuk i mbajtën premtimet dhe për të na dhënë ne mundësinë të korrigjojmë dështimet e këtyre 8 viteve dhe ne nuk do t’i ndajmë shqiptarët në të majtë dhe të djathtë”, tha Basha.
