Shukri Xhelili, ish-kryebashkiaku i Dibrës, i arrestuar pas video-skandalit të publikuar në media ku dukej teksa i kërkonte favore seksuale një vajze, kërkon lirimin nga burgu me pretendimin se ka probleme me zemrën.
Gjykata e Krimeve të Rënda ka caktuar ekspert për të vlerësuar gjendjen shëndetësore të ish-kryebashkiakut të Dibrës.
Sot u zhvillua seanca gjyqësore për zëvendësim mase sigurie. Xhelili përmes avokatit të tij, ka kërkuar lirimin nga burgu.
Mësohet se Xhelili rezulton me ishemi zemre, ndaj edhe do të bëhet një vlerësim shëndetësor.
