Grejsi Prifti, humbi jetën pak orë më parë në spitalin e Korcës, pasi mbërriti atje për shkak të problemeve me tensionin e lartë.
“Kam një dhimbje në kraharor, nuk po mbushem dot me frymë”-mësohet të ketë thënë ajo pak minuta para se të ndahej nga jeta, sikurse bën me dijë Bë,që citon familjarët e saj.
20-vjecarja ishte nënë e një fëmije, të cilin e kishte sjellë në jetë në maternitetin e Tiranës 20 ditë më parë.
Gazetarja e BW konfirmoi se 20-vjeçarja kishte pasur një shtatzëni me probleme, ndërsa gjatë gjithë kohës vuante nga tensioni i lartë. Për këtë arsye një muaj më parë ajo u shtrua në maternitetin “Koço Gliozheni” në kryeqytet, ndërsa 20 ditë më parë solli në jetë fëmijën e saj të parë përmes një ndërhyrje kirurgjikale.
Por edhe pas lindjes, duket se ka pasur vazhdimisht probleme me tensionin. Edhe sot, siç konfirmojnë familjarët për “BalkanWeb” ajo është ndjerë keq dhe ka shkuar në spitalin e Korçës, ku ka ndërruar jetë menjëherë.
Familjarët jashtë kamerës pretendojnë se shkak i vdekjes ka qenë mjekimi i pakujdesshëm. Ndërkohë që trupi i së resë është dërguar pranë morgut të spitalit në pritje të ekspertizës mjeko-ligjore, që mund të zbardhë edhe shkaqet e vdekjes.
