Aktorja e njohur Sharon Stone pretendon se ka humbur gjysmën e pasurisë së saj, pas falimentimit të Bankës së Silicon Valley pak ditë më parë.
Aktorja mori çmimin e guximit gjatë një ceremonie të Fondit të Kërkimit të Kancerit të Grave (ËCRF) dhe mori pjesë në mbledhjen e fondeve.
Gjatë fjalës së saj, ajo tha qartë: “E di që duhet të punosh dhe të kuptosh se menaxhimi i parave është i vështirë. Unë jam teknikisht një idiote, por mund të shkruaj një çek. Dhe tani e di se çfarë po ndodh. Sapo humba gjysmën e parave të mia në këtë bankë dhe kjo nuk do të thotë që nuk do të vija në këtë aktivitet”.
Stone vazhdoi se prania e saj në mbledhjen e fondeve pason vdekjen e vëllait të saj Patrick Stone në moshën 57-vjeçare për shkak të sëmundjes së zemrës.
“Vëllai im sapo vdiq dhe kjo nuk do të thotë se nuk do të isha këtu. Nuk është një kohë e lehtë për asnjërin prej nesh. Kjo është një kohë e vështirë për botën, por unë po ju them, nuk kam një politikan të më thotë se çfarë mund të bëj dhe çfarë nuk mund të bëj”, tha ajo duke shtuar: “Ndaj ngrihuni. Ngrihuni dhe thoni sa vleni. Unë ju sfidoj. Ky është guxim”, tha aktorja duke kujtuar se kishte kaluar një betejë me kancerin e gjirit, por që rezultoi më vonë të ishte beninj.
“Shkova në spital duke thënë: Nëse më operoni dhe është kancer, ju lutem m’I hiqni të dy gjinjtë, sepse unë nuk jam një person që përkufizohem nga gjinjtë e mi”, tregoi Stone./Opinion.al
