“Kam frikë mos është trafikuar”, babai denoncon zhdukjen e vajzës

Policia e Fierit ka nisur kërkimet për zhdukjen e një vajze 21-vjeçare nga Fieri. Burime zyrtare nga policia raportuan se ka qenë babai i vajzës, shtetasi me inicialet S.B., i cili ka denoncuar se e bija, shtetasja me inicialet M.B., që prej datës 27 dhjetor ka ikur nga banesa në drejtim të paditur.Gjatë marrjes në pyetje, babai i vajzës pohoi para oficerëve të policisë se kishte frikë se mos vajza e tij kishte rënë pre e trafikimit.
“Më datë 29.12.2017, u referuan materialet në Prokurorinë e Rrethit Gjyqësor Fier dhe punohet për kapjen e shtetases M.B vjeç 21, banues në Patos, pasi babai S.B, vjeç 43, kallëzon se, më datë 27.12.2017, vajza e tij M.B është larguar nga banesa, dhe dyshon se mund të trafikohet jashtë shtetit dhe të shfrytëzohet për prostitucion. Nenet 110/a e 114 të Kodit Penal”, thuhet ne njoftimin e Policisw.