Themeluesi i revistës “Playboy” Hugh Hefner ka ndërruar jetë ditën e sotme në moshën 91 vjeçare. Ai njihet për një jetë jo të zakonshme mes femrave.
Hefner e ka portretizuar jetën e tij të ‘çmendur’ në kornizat e revistës ‘PlayBoy’ e cila nisi publikimin në vitin 1953, një sfidë kjo për amerikanët.
Ishte Marlyn Monroe modelja e parë e cila pozoi për këtë revistë e në kulmin e saj, ajo është shitur në shtatë milionë kopje në muaj, shkruan opinion.al
Hefner ka pohuar se pasur marrëdhënie intime me mbi 1000 femra. Me gruan e tretë, Chrystal Harris, lidhi kurorë në vitin 2012, kur ishte 86 vjeç, ndërsa ajo ishte 60 vjet më e re.
‘’Kam fjetur me më shumë se një mijë femra’’ ishte njëra ndër deklaratet e tij sa ishte gjallë. Themeluesi i revistës ‘PlayBoy’ shihej përkrah lepurusheve seksi me disa prej të cilave është martuar.
Hugh Hefner praktikisht jetoi jetën që vetë e kishte portretizuar në revistën e tij. Vila e tij “Playboy Mansion” në Los Angeles, aty ku dhe vdiq i rrethuar nga miqtë, ishte mishërim i ëndrrës së një adoleshenti.
Feministët e sulmuan shumë me argumentin se i shndërronte vajzat në objekte, por Hefnerit i pëlqente të kujtohej si dikush që ndryshoi botën në mënyrë pozitive, qoftë edhe në një kontekst social intim.
Ai, në kujtesën e njerëzve do të mbetet si njeriu i cili vishej me rroba të mëndafshta dhe lidhte aventura me femrat./Opinion.al
