Mjeku i Urgjencës, Dritan Kociaj ka bërë thirrje për hapjen e spitalit COVID 4 pasi numri i pacientëve me koronavirus që kërkojnë trajtim mjekësor është shumë i lartë.
Në një status në Facebook, mjeku shkruan se në orën 3 të mëngjesit të ditës së sotme është duke pritur prej më shumë se tre orësh brenda ambulancës me një pacient. E njejta gjë shkruan ai po ndodh edhe me 6 ambulanca të tjera në derën e spitalit “Shefqet Ndroqi”.
Ai i bën thirrje komitetit të ekspertëve, ministres së shëndetësisë dhe kryeministrit që të “zgjohen nga gjumi”. Mjeku shkruan se vijon të ndërrojë bombulat e oksigjenit në ambulancë por kjo sipas tij nuk është zgjidhje prandaj ai kërkon hapjen e spitalit COVID 4 për oksigjenimin e pacientëe me saturime të ulëta.
Postimi i plotë i mjekut Dritan Kociaj:
Thirrje publike. Drejtuar komitetit te eksperteve, ministres se shendetesise, kryeministrit te vendit. Ju lutem zgjohuni nga gjumi. Eshte ora 03 e mengjesit sot dt 22 nentor eshte ftohte dhe kam 3 ore e gjysem me pacient ne autoambulance ne deren e spitalit Shefqet Ndroqi. Porsi une jane dhe 6 autoambulanca te tjera me paciente. Vende ne urgjencen pritese po keshtu dhe ne pavione nuk ka. Vazhdojme t’i nderrojme bombolat e O2 autoambulancave por kjo nuk eshte zgjidhje. Nderkohe me bindje jua them se ne linjen e 127 kush e di sa jane ne pritje. Ju lutem zgjohuni nga gjumi hapni syte dhe shikoni te verteten ne sy. Ju lutem zgjohuni dhe hapni Covid 4 qofte edhe me infermiere per oksigjenimin e pacienteve me saturime te uleta. Ju lutem zgjohuni dhe angazhoni shtreterit ne spitalet rajonale sadopak qofshin ato. Ju lutem zgjohuni se neser do jete vone. Po kolapsohet sistemi. Cdo jete vlen. Dhe cdo jete e humbur do jete ne ndergjegjet tuaja jo te ne mjekeve apo infermiereve qe punojme e do vazhdojme te punojme. Dritan Kociaj mjek. /Opinion.al
