Mediat britanike shkruajnë se është lënë në burg 44-vjeçari që kontrabandonte fëmijë të mitur në drejtim të Britanisë së Madhe.
Burri britanik i kishte fshehur fëmijët, të moshës 1 deri në 6 vjeç, pas kutive kartoni në një furgon.
Trevor Saker, 44 vjeç, u dënua në Canterbury Crown Court dje pasi u shpall fajtor për kalim të paligshëm të emigrantëve në Mbretërinë e Bashkuar.
Saker u kishte pohuar oficerëve të Forcave Kufitare se po udhëtonte për në Mbretërinë e Bashkuar nga Franca pasi kishte mbledhur këpucë për biznesin e ri të gruas së tij.
Ai po ngiste një furgon me qira kur u ndalua nga oficerët e Forcave Kufitare në Zonën e Kontrollit të Mbretërisë së Bashkuar në Coquelles.
Oficerët gjetën 14 migrantë të paligjshëm në pjesën e pasme të furgonit, të fshehur pas kutive kartoni.
Emigrantët u identifikuan si shtetas irakianë dhe shqiptarë. Midis grupit ishin 4 fëmijë të moshës 1 deri në 6 vjeç.
