Aktualitet

Kalon vetingun prokurori i Apelit të Durrësit


Bëhu pjesë e Grupit Zyrtar të Opinion.al
>> KËTU <<
               Publikuar në : 10:20 - 08/06/20 |
Al Do

Prokurori i Apelit të Durrësit, Ludovik Dodaj ka kaluar sot vetingun. Komisioni i Pavarur i Kualifikimit vlerësoi se Dodaj ishte i pastër në të tre kriterët e vlerësimit.

Ludovik Dodaj punon si prokuror pranë Gjykatës së Apelit të Durrësit prej vitit 2002. Në dhjetor të vitit 2019, ai u zgjodh përmes shortit anëtar i Këshillit të Emërimeve në Drejtësi.

Në seancën dëgjimore të zhvilluar pak ditë më parë, Komisioni i Pavarur u Kualifikimit tha se nga hetimi i thelluar Dodaj nuk kishte pasur probleme as në kriterin e figurës dhe as në atë të profesionalizmit, por sipas KPK u gjet me mungesë burimesh financiare vetëm për vitin 2008. Relatorja tha se atij i mungonin në analizën financiare të këtij viti një shumë prej 358 mijë lekësh.

Në fjalën e tij prokurori tha se ishin llogaritur gabim shpenzimet në vitin 2007 dhe argumentoi se nëse uleshin ato shpenzime llogaritë e tij familjare balancoheshin. /Opinion.al

Pas