Mjeku i njohur Tritan Kalo folur lidhur me një tjetër sëmundje, e cila njihet si “grip i syrit”. Përmes një reagimi në rrjetin social “Facebook”, mjeku Kalo bën me dije se kjo sëmundje prek shtresën e jashtme veshëse të syrit.
“Rreth 6.000.000 individë me Keratokonjunctivitis, paraqiten për ndihmë mjekësore çdo vit në ShBA….Rreth 40% e rasteve të tyre në tërësi janë me origjinë ALERGJIKE, dhe vërehen më shpesh në fëmijët e moshës para shkollore e shkollore të moshës 4-7 vjeç, por një dukuri e tillë mundet të observohet nga mosha 5 muajshe deri në grup moshat mbi 30 ose 40 vjeçare”-shkruan mjeku Kalo.
Kjo sëmundje sipas Kalos po vëzhgohet edhe tek pacientët e prekur nga COVID-19 dhe dy variantet, Delta dhe Omikron. Mjeku apelon ndaj qytetarëve të prekur që të mos marrin mjekime pa këshillën e specialistit.
“Përsa i përket shkaktarëve INFEKSIOZË: 1- Keratokonjuktivitet VIRALE janë më të shpeshtat pavarësisht moshës së të sëmurit, dhe përbëjnë 70-75% të Keratokonjuktiviteve infeksioze. Rreth 90%e tyre shkaktohen nga Adenoviruset dhe viruset e tjerë si Enteroviruset, Herpes simplex dhe Herpes zoster. 2- Keratokonjunktivitet BAKTERIALE vërehen më shpesh në moshat pediatrike, dhe përbëjnë rreth 50% të keratokonjunktiviteve infeksiozë në këto mosha….Në këto “Kohë kovidiane”, të mos anashkalohet fakti se virusi Sars-Cov2/Covid-19 mundet të manifestohet me një KERATOKONJUNCTIVITIS (ose edhe vetëm me një prekje të konjunktivës : “Conjunctivitis”), në kuadrin e rreth 98 ( nëntëdhjetë e tetë) shënjave klinike të ndryshme të observuara deri më tash, në milionat e të sëmurëve të prekur gjatë kësaj “flame mbarëbotërore”, ose mundet të jetë e vetmja shënjë klinike e manifestimit të këtij infeksioni viral…Konjunktivitet dhe Keratokonjunktivitet janë observuar në të gjitha variantet e virusit Sars-Cov2/Covid-19, POR ato po observohen edhe më shpesh në dy variantet më në qarkullim të tij Delta dhe Omikron”,-shkruan ai.
