Partia Demokratike ka kallëzuar penalisht në SPAK, Ministren e Shëndetësisë, Ogerta Manastirliu dhe zyrtarët përgjegjës për shpërndarjen tek personeli shëndetësor të 1.2 milionë maskave që sipas tyre, janë të skaduara.
Përmes kallëzimit penal, firmosur nga sekretari i përgjithshëm i PD-së, Gazment Bardhi, kërkohet regjistrimi dhe nisja e procedimit penal ndaj personave të kallëzuar.
Ministria, Ogerta Manastirliu, kallëzohet për 5 vepra penale, përfshirë shpërdorimin e detyrës: “Kontrabandë me mallra të ndaluara”, “Menaxhim i mbetjeve”, “Transport i mbetjeve”, “Shpërdorim detyre”, “Prodhim dhe tregtim i barnave dhe pajisjeve mjekësore të falsifikuara ose të rrezikshme për jetën dhe shëndetin”.
