Një 27-vjeçar ka rënë në pranga nga Policia e Tiranës, pasi ka vjedhur një shumë parash në kompaninë ku ai punonte.
Uniformat blu bëjnë me dije se kanë vënë në pranga shtetasin B.M. 27-vjeç pasi kishte vjedhur çantën me dokumente dhe me 190 000 lekë, në automjetin e firmës ku punonte, në lagjen “Mazreku”, Kashar.
Ndërkohë në polici kishte bërë kallëzim të rremë sikur ia kishin vjedhur paratë.
Pas hetimeve të kryera nga policia rezultoi se vjedhjen e kishte kryer vetë 27-vjeçari I cili u arrestua për veprën penale “Kallëzimi i rremë”.
“Pas kallëzimit të marrë nga i riu se i kishin vjedhur çantën me dokumente dhe me 190 mijë Lekë në makinën e firmës ku punonte, në lagjen “Mazreku”, Kashar, autoritetet policore kanë nisur menjëherë hetimet për dokumentimin e plotë ligjor të rastit.
Nga veprimet hetimore ka rezultuar se 27-vjeçari ka bërë kallëzim të rremë për vjedhjen e çantës me dokumente dhe para. Gjatë kontrollit në banesën e tij është gjetur dhe sekuestruar çanta për të cilën kishte bërë kallëzim. Gjithashtu, pas verifikimeve të kryera ka rezultuar se shumën e parave, ai e ka shpenzuar për lojëra fati.
Në përfundim të veprimeve, u bë arrestimi i tij për veprën penale “Kallëzimi i rremë””, tha policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale./Opinion.al
