Pas kallëzimit të PD-së për tenderin e ushqimit dhe masave mbrojtëse të bërë nga ministria e mbrojtjes, Olta Xhaçka i ka cilësuar akuzat si sajesë të regjisorëve të Babales, ndërsa i ka kujtuar kreut të opozitës, Lulzim Basha se këtë procedurë prokurimi, ai e ka përdorur vetë në vitin 2010.
Në lidhje me akuzat për tenderin ministrja e mbrojtjes ka shpjeguar se janë ndjekur procedurat sipas vendimit të qeverisë që ka shpallur gjendjen e fatëkeqësisë.
“Sot në mes të një lufte dhe përballë një armiku që po na rrezikon të gjithëve, ka njerëz, si këta regjizorët e “Babales” që kanë luksin të merren me inskenime të ulëta me qëllimin e vetëm përhapjen e panikut dhe hedhjen baltë mbi një operacion humanitar, që ndodh 24 në 24, që nga dita e parë e emergjencës, i paprecedentë për ne e për vende më të zhvilluara nga ne, i cili po u vjen në ndihmë mbi 600.000 familjeve e qytetarëve në nevojë nëçdo cep të Shqipërisë. Fakti që këto akuza të pavërteta vijnë ekzaktësisht në këtë kohë e bëjnë edhe më të turpshme këtë sjellje të ulët të këtyre opozitarëve të pashpresë”, tha Xhaçka.
“Në rast se e ka harruar, i kujtoj Lulzim Bashës se është procedurë krejt e ligjshme dhe e njohur, e detyrueshme në rrethana emergjence dhe e përdorur edhe nga ai vetë, dikur ministër në raste emergjencash shumë herë më të vogla dhe të lokalizuara se kjo siç ishte përmbytja e asaj kohe. Pra, nuk është pritur as javë e as muaj, por është bërë të nesërmen e shpalljes së gjendjes së fakteqësisë siç e do edhe logjika e këtyre procedurave urgjente dhe ishte kjo punë pa orar dhe këto procedura në përputhje me ligjin pa humbur kohë tëçmuar që bënë të mundur furzimin pa ndërprerje të operacionit të ndihmës”, shtoi Xhaçka
Ishte ish-deputeti i PD-së, Enkelejd Alibeaj i cili akuzoi kryeministrin Rama dhe ministren e Mbrojtjes, Olta Xhaça se kanë dhanë një tender 1,5 milion euro për furnizimin me ushqime të Rezervave të Shtetit, por sipas tij pa garë. Sipas PD-së, nga 35099 kompani shqiptare tenderi iu dha kompanisë filal nga Maqedonia, Eurovia duke theksuar se pak ditë para shpalljes së tenderit pa garë, kompania shtoi si objekt tregtimin e ushqimeve.
