Kronikë

Kallashnikov në bagazhin e “Range Rover”, arrestohen 2 persona të dënuar më parë


Bëhu pjesë e Grupit Zyrtar të Opinion.al
>> KËTU <<
               Publikuar në : 11:54 - 03/01/22 |
Opi Nion

Policia e Lezhës ka informuar se është finalizuar operacioni i koduar “Mesnata”, nga i cili janë arrestuar 2 persona  dhe janë sekuestruar; 1 armë zjarri kallashnikov, municion luftarak, 1 automjet dhe 2 aparate celularë.

Bazuar dhe në informacionet e marra në rrugë operative, për një shtetas që qarkullonte me armë zjarri në automjet është organizuar dhe finalizuar operacioni policor i koduar “Mesnata”, në kuadër të të cilit në vendin e quajtur “Rrethrrotullimi i Shëngjinit”, është lokalizuar dhe ndaluar mjeti i dyshuar.

Gjatë kontrollit të ushtruar në automjetin tip “Range Rover”, me drejtues shtetasin A.Sh., dhe pasagjer shtetasin A.V., në bagazhin e këtij automjeti është gjetur një armë zjarri automatik me krehër me fishekë, të cilat u sekuestruan në cilësinë e provës materiale, së bashku me automjetin.

Gjithashtu u bë arrestimi në flagrancë i shtetasve A.Sh., 37 vjeç dhe A.V.,27  vjeç, banues në Malësi të Madhe, të dy të dënuar më parë për trafikim të lëndëve narkotike.

Materialet i kaluan Prokurorisë së Rrethit Gjyqësor Lezhë, për veprime të mëtejshme, për veprat penale “Mbajtja pa leje e armëve dhe e municionit” dhe “Moskallëzimi i krimit”.

Pas