Zjarret e pandalshme në Kaliforni, detyruan guvernatorin, Gavin Newsom, të shpallë gjendje të jashtëzakonshme mbarëkombëtare.
Rreth 180,000 persona në një zonë të madhe të qarkut Sonoma u urdhëruan të largohen nga shtëpitë e tyre, pasi mijëra hektarë tokë u dogjën në këtë qark.
Ndërkaq kompanitë e energjisë elektrike kanë ndërprerë paraprakisht rrymën, duke lënë rreth një milion njerëz në errësirë, nga frika se kabllot e dëmtuara mund të shkaktojnë zjarre të reja.
Edhe pse autoritetet po shfrytëzojnë të gjitha burimet e mundshme për luftimin e tyre, të nxitura edhe nga erërat e forta, zjarret në veri dhe jug të shtetit amerikan nuk kanë ndaluar prej javës së shkuar.
Historikisht, “stina e zjarreve” në Kaliforni fillonte në verë dhe zgjaste deri në vjeshtën e hershme, por ekspertët tani paralajmërojnë për rrezik gjatë gjithë vitit, ndërsa si shkaktarë kryesorë shihen kushtet e motit dhe ndryshimet klimatike./Opinion.al
