Ministrja e Mbrojtjes, Olta Xhaçka, përsëriti thirrjen që qytetarët shqiptarë të bllokuar në kufirin Grek të rikthehen në shtëpitë e tyre.
Xhaçka tha se është biseduar me palën greke dhe se janë duke u ndjekur procedura të zakonshme, njësoj siç bëjnë me çdo shtet tjetër.
“Jo të gjitha makinat do kalojnë sot për fat të keq, që do të thotë se do të kthehen. Është detyra jonë që t’ju gjendemi pranë me më të mirën e mundshme, në këtë situatë që jemi sot. I kemi ndihmuar sa kemi mundur, me ujë dhe me ushqim, me gjithcka që kemi mundur. Mos harroni se koronavirusi ka paralizuar gjithë botën sot. Këtu nuk ka tendencë nga pala greke për të vështirësuar gjërat, por janë ca rregulla që janë vendosur.
Ne do t’i respektojmë sepse nuk çfarë të bëjmë, nuk i biem dot murit me kokë. Ja shumë e trishtuar që shumë nëna, fëmijë janë ekspozuar tek kjo torturë, por është vendimi i tyre. Fatmirësisht rruga në kthim është e lirë.
Unë e kuptoj se ka njerëz që kanë problemet e tyre, por ata duhet që dhimbshëm t’ju ushtrohen këtyre urdhrave. Maksimalja që mund të bëjmë është presioni për të përshpejtuar procedurat e kalimit. Pala greke nuk na ka pranuar që të bëjmë ne teste, plus ato teste nuk janë aspak tregues nëse je bartës apo jo. Sot kanë kaluar 2300 persona në kufi”, tha Xhacka.
