Lidhja mes këngëtares Miley Cyrus dhe mikes së saj Kaitlynn Carter, e cila ndodhi gjatë verës u duk vetem si një flirt mes tyre.
Historia e tyre e dashurisë mori fund në krye të dy muajve dhe tashmë Miley është në një lidhje të re me muzikantin Cody Simpson. Por duket se për Carter kjo lidhje nuk ka qenë thjesht një flirt, por dashuri dhe diçka të tillë ajo e ka shkruar për “Elle”.
“Teksa unë dhe shoqja ime kaluam gjithë gushtin bashkë nëpër Europë, duke u përpjekur të hidhnim pas krahëve ndarjet, lindi romanca me një femër. S’e mendoja kurrë që do të isha aq e dhënë pas saj, siç nuk isha me askënd tjetër. Para atij udhëtimi s’e kisha menduar kurrë atë në mënyrë romantike. Ndonëse nëpër media lidhja jonë u quajt “flirt vere”, për mua ishte shumë më shumë se aq. Zbulova veten. Për herë të parë, unë dëgjova veten, harrova normat dhe jetova. Uroj që kujdo t’i jepet kjo mundësi, për të kuptuar cili version i vetes ndihen më mirë,”– ka përfunduar ajo duke shkaktuar mjaft habi m deklaratën e saj në rrjete sociale./Opinion.al/
