Kafshët shtëpiake janë “një recetë e mirë” për të jetuar shëndetshëm dhe gjatë. Veçanërisht pas moshës 65 vjeçare, kafshët përmirësojnë ndjeshëm mirëqenien fizike dhe mendore.
Por sipas studimit të fundit mbi këtë çështje, kjo përkujdesje ndikon edhe piskologjikisht pasi rezulton se të moshuarit që mbajnë kafshë shtëpiake ndjehen biologjikisht 10 vjet më të rinj se të gjithë ata që nuk e kanë një të tillë.
Ekspertët që kanë marrë në shqyrtim qindra mijëra raste, shpjegojnë se tek të moshuarit që përkujdesen për miqtë e tyre me putra kanë edhe gjendje shëndetësore më pozitive, lëvizin më shumë, komplikimet në sëmundje janë më të pakta, preken më pak nga sëmundjet kardiovaskulare dhe kanë një prirje shumë më të ulët ndaj depresionit apo stresit.
Pra mbajtja e një qeni apo maceje në të gjitha moshat, veçanërisht në moshën e tretë, ju rinon dhe përmirëson shëndetin e jetën tuaj./Opinion.al
