Fazli Veseli, babai i ish-kryeparlamentarit të Kosovës, Kadri Veseli, është përcjellë për në banesën e fundit pasditen e sotme. Të pranishëm në ceremoninë mortore ishin familjarë e një numër i madh qytetarësh, por Kadri Veseli nuk mundi t’i japë lamtumirën e fundit të atit, pasi ndodhet në qelinë e paraburgimit në Hagë si i arrestuar për krime kundër njerëzimit.
Dhomat e Specializuara me pak rreshta treguan se ai mund të kërkojë leje speciale humanitare për të marrë pjesë në varrimit e të atit në orën 19:00, gjë që nuk ndodhi.
Veseli nuk u paraqit vetë, por me të marrë lajmin u dha leje familjarëve që ceremoninë mortore ta kryejnë pa të.
Fazli Veseli u nda nga jeta mëngjesin e sotëm, në të njëjtën ditë kur mbushi 94-vjeç, ndërsa Veseli takoi për herë të fundit të atin në Spitalin e Mitrovicës në maj të këtij viti. Gjykata Speciale e liroi atë përkohësisht për të takuar të atin, e për t’u rikthyer sërish më pas në paraburgimin e Gjykatës Speciale në Hagë./Opinion.al
