Fatbardh Kadilli ka pranuar humbjen vetëm një ditë pas votimit për kreun e Partisë Demokratike.
Kadilli i ka cilësuar zgjedhjet e 13 qershorit më keq se ato parlamentare.
Ndër të tjera në fjalën e tij Kadilli është shprehur se as nuk do t ëiki, as nuk do të krijojë parti të re por do të vijojë të qëndrojë në PD për të treguar qëndresë.
‘’Përshëndetje dhe faleminderit. Jam krenar që në partinë time, jo për interesin tim ndeza shkëndijën e parë të garës. Më shumë se garë ishte sfidë. Demokratët patën mundësinë mos shkonin symbyllur drejt opozitës në mandatin e tretë. Gara tregoi se opozita nuk është ekzkluziviteti i askujt. Sot asnjë demokrat nuk mund të thotë se nuk kishin zgjedhje tjetër.
Falenderoj 41 mijë anëtarët që iu përgjigjën thirrjes. Nuk jam për të përligjur rezultatin, për Lulin flasin më mirë ato që patë vjetë. Pabarazi mjetesh, burimesh njerëzore, financiare dhe koha shumë e shkurtër. Patë një kryetar që nuk lëshoi zyrën dhe përdori administratë. Deputetë e kryetarë degësh që nuk mbajtën distancë. Patë të zvogëlohej lista e anëtarëve nga 100 mijë në 70 mijë. Nuk gjenin emrin në lsitë. Patë dhe fenomene të tjera të papranueshme. Të gjitha këto s’na bëjnë nder.
Kjo garë na dha një mundësi që nuk u shfrytëzua. Ofruam garë, por jo standarde. Zgjedhjet brenda PD më keq se ato mes partive politike, nuk jam basha, pranoj rezultatin ezgejdhjeve.
Ato qindra vota që mbështetën projektin tim janë fitili që ndezi. Manifesti politik për ringritjen e PD janë e vetmja gjë që kanë demokratët përpara. Unë nuk iki, nuk dorëzohem, nuk krijoj parti të re. Do të shpalos projektin e ringritjes. ‘’– tha Kadilli.
Nga rezultatet e deritanishme, Lulzim Basha ka siguruar mandatin e tretë në krye të partisë së dytë më të madhe në vend. /Opinion.al
