Në përfundim të mbledhjes së Kryesisë, një nga ish- kandidatët për kreun e PD-së, Fatbardh Kadilli dha një deklaratë për mediat ku tha se u diskutuan edhe propozimet e tij për ndryshimet në statut, por u gjykuan të parakohshme.
Më tej ai tha se ka pasur mendime të kundërta me kryetarin e PD, Lulzim Basha, sa i përket rolit të kryetarit të partisë, teksa bëri thirrje për të pasur një parti të pastër.
“Jemi ende në kohë për të shfrytëzuar Kuvendin Kombëtar për të denoncuar të keqen, por edhe për të parë me përgjegjshmëri, për ta bërë këtë parti të pastër, të hapur dhe konkurruese, ndryshimet e propozuara nga unë, u diskutuan, u gjykuan të parakohshme. Opinioni më dashamirës, por me kryetarin Basha ndajmë koncepte të ndryshme për rolin e kryetarit të partisë. Uroj që Kuvendi Kombëtar të kuvendojë që të ndryshojmë veten tonë, të jemi më të hapur”, tha Kadilli./Opinion.al
