Akademia e çmimeve Nobel ka akorduar ditën e sotme çmimin Nobel për Letërsinë. Çmimin Nobel për vitin 2018 iu dha autores Polake, Olga Tokarczuk, ndërsa çmimi për vitin 2019 iu dha shkrimtarit austriak Peter Handke.
Shkrimtarja polake u vlerësua me motivacionin “për rrëfimin imagjinar që përmes pasionit enciklopedik paraqet kapërcimin e barrierave si një mënyrë jetese”.
Ndërsa shkrimtari austriak u vlerësua me motivacionin “për punën e tij influencuese, ku me gjuhën e tij të pasur ka eksploruar periferinë edhe eksperienca të veçanta njerëzore”.
Në vitin 2018 nuk pati fitues të çmimit Nobeli për Letërsinë. Ky njoftim i Akademisë Suedeze erdhi asokohe për shkak të një skandali me sfond seksual.
18 gra akuzuan për abuzime seksuale fotografin francez, Jean-Claude Arnault, bashkëshortin e anëtares së Akademisë dhe autores, Katarina Frostenson.
Ky skandal çoi në dorëheqjen e Frostenson-it, si dhe të disa pjesëtarëve të tjerë të Akademisë.
Edhe këtë vit kandidat për çmimin prestigjioz në Letërsi ka qenë autori i njohur shqiptar Ismail Kadare./Opinion.al/
