Studiuesja Keda Kaceli e cila prej vitesh jeton në Itali ka treguar në studion e emisionit “Opinion” raportin e saj me ish-kryeministrin Italian Silvio Berlusconi.
Përkthyese e librit të At Zef Pllumit, Kaceli ka treguar se ka qenë pikërisht ky libër indicje e nisjes së miqësisë mes tyre.
Madje 4 vite më pas, Berlusconi do të shkruante edhe parathënien e librit të saj, ndërsa ajo pohoi që ai ishte tronditur nga historia e Marie Tucit apo edhe e vetë At Zef Pllumit.
“Dëshira ime ishte që ai ta lexonte dhe të kuptonte të vërtetat e Shqipërisë komuniste. E lexoi. Pas 7-8 muajsh ne u ritakuam në Romë. Kur ai ma tha që e kishte lexuar librin dhe unë i kisha dërguar kapitullin që fliste për Patër Zefin 24-vjeçar të varur tek pema e pjeshkës në oborrin e Pjetër Çuçisë, madje edhe kapitullin tjetër ku tregohej se Marie Tuci ishte rrahur në një thes me macen brenda, ishte tronditur pa masë. Për të femra ishte një qenie e brishtë, për t’u kuruar, për t’u krjdesur. Ai ma tha që këto histori e kishin tronditur pa masë. Ai e njihte komunizmin, bolshevizimin, por nuk njihte krimet e komunzimit shqiptar dhe këtë lloj të keqeje nuk e kishte njohur kurrë. Dhe unë në takimin e dytë i kërkova që këto fjalë të m’i përkthente në një hyrje. Dhe ai më premtoi. Por mua m’u desh të prisja 4 vite për ta patur atë thënie”, tha Kaceli./Opinion.al
