Kryeministri Edi Rama ka reaguar sërish lidhur me kabinat e vendosura në Theth.
Pas reagimit të Prokurosisë së Shkodrës, e cila në një njoftim për mediat sqaroi se kapanonet e vendosura në Theth nuk kanë themele, prandaj dhe nuk përmbushin kriteret për t’i konsideruar objekt ndërtimi, kreu i qeverisë u shpreh i vendosur dhe theksoi se Ministria e Drejtësisë po përgatit denoncimin e çështjes në Këshillin e Lartë të Prokurorisë.
Në postimin në rrjetet sociale, Rama shkruan po ashtu se Bashkia e Shkodrës nuk do të largohet nga Thethi pa e shëruar zemrën e kësaj qyteze magjike.
“Natyrisht që të gjitha kabinat e “fshatit turistik” të kriminelit që plagosi Thethin do i marrë shteti dhe skuadra e Bashkisë Shkodër nuk do të largohet nga Thethi pa e shëruar zemrën e qytezës magjike, ndërkohë që Ministria e Drejtësisë po përgatit denoncimin e çështjes “Gjeli” në Këshillin e Lartë të Prokurorisë”, shkruan Rama.
