Ish-ministri i Brendshëm Saimir Tahiri ka folur përsëri pas dënimit me 3 vite e 4 muaj shërbim prove të dhënë ditën e djeshme nga Gjykata e Krimeve të Rënda për akuzën e shpërdorimit të detyrës.
Tahiri është shprehur se ka respektuar drejtësinë dhe se gjatë kohës që ka qenë nën hetim nuk iu është përgjigjur akuzave në publik.
Tahiri iu përgjigj dhe zërva të cilat shprehen se Tahiri disponon përgjime në të cilën janë përfshirë politikanë shqiptarë dhe diplomatë të huaj.
Ish-ministri i Brendshëm deklaroi se ai nuk merret me shantazhe apo presione, ndësa thekson se vendimi i dhënë ndaj tij ishte i sforcuar.
“Vendimi ndaj meje ka qenë i sforcuar. Ky vendim u mor nën shantazh e kërcënime. Unë nuk merrem as me shantazhe dhe as me kërcënime. Nuk kam njeri i prapaskenave, sepse po të isha i tillë nuk do isha këtu ku jam e nuk do kisha arritur aty ku kam arritur”, deklaroi Tahiri.
Ish-ministri i Brendshëm u pyet dhe nëse ndjente përgjegjësi për fenomenin e kanabisit. Por, Tahiri gjatë një emisioni televiziv tha; “Me këtë logjikë i bie që Koço Kokëdhima të ishte në burg që para tre vjetëve, i bie që Sali Berisha të ishte në burg që linte Lazaratin, i bie që ministri aktual i Brendshëm të jetë në burg se në Shqipëri ka kanabis. Unë rezervohem të flas për vendimin e Gjykatës pasi nuk e kam lexuar.”/ Opinion.al E.Xh.
